Бројот на заболени во Чаир е зголемен за 40 лица за само два дена, покажува статистиката на Министерството за здравство.
Во Карпош има нови 17 лица позитивни на коронавирусот, додека во Центар за два дена бројката е порасната за нови 14 лица.
Во Кисела Вода за два дена уште 8 лица се позитивни на Ковид-19, исто како во Аеродром. Во Сарај има тројца новозаболени, во Гази Баба има 5 нови, во Шуто Оризари нови 9, а во Арачиново е останата истата бројка на заболени, 23.
За само два дена, во општините во Скопје има 102 нови, активни случаи, позитивни на Ковид-19. Пред два дена бројката беше 658 активни случаи, а денеска е 760. Меѓу позитивните, има и двајца странци.
Министерот за здравство Венко Филипче вчера изјави дека станува збор за 41 кластер, а најголемиот број заболени се од периодот 23,24 и 25 мај, на семејни собири.
Најновата дистрибуција според општини во Скопје на позитивни на Ковид-19 е следната:
– Чаир-192
– Бутел-68
– Центар-66
– Гази Баба-63
– Аеродром-61
– Карпош-57
– Сарај-55
– Кисела Вода-37
– Ѓорче Петров-23
– Арачиново-23
– Шуто Оризари-21
– Студеничани-20
– Илинден-18
– Петровец-6
– Чучер Сандево-3
– Сопиште-2
– Странец-2