Богдан Вечирко кој беше уапсен откако со цистерна влета меѓу демонстрантите во Минеаполис, од претходно ѝ е познат на полицијата како склон на насилство.
Станува збор за лице на 35-годишна возраст, најверојатно од украинско потекло, пренесуваат американските медиуми.
Вечирко живее во Минесота, а работи за "Ken Advantage", транспортна компанија со седиште во американската сојузна држава Охајо. Засега за него не се знае многу, освен тоа дека е голем поддржувач на американскиот претседател Доналд Трамп и тоа дека со парични средства ја поддржал неговата кампања.
BREAKING: Hennepin County authorities have released the mugshot of Bogdan Vechirko, the driver who drove into a crowd of protesters on the I-35W bridge Sunday afternoon. | https://t.co/DagxLlPuA7 pic.twitter.com/MnBGfRPGb8
— WCCO | CBS News Minnesota (@WCCO) June 1, 2020
Во 2012-та година бил уапсен поради семејно насилство, а се изјаснил за виновен и за обвинувања во врска со помали прекршоци.
Во тек е истрага која треба да утврди дали намерно сакал да прегази демонстранти, или ја загубил контролата над возилото. Вечирко бил пренесен во болница со повреди откако демонстрантите го извлекоа од камионот и го претепаа.
На видео снимките кои се појавија денес можеше да се види како демонстрантите панично бегаа пред камионот, а кога Вечирко ја намали брзината тие скокнаа и го извлекоа надвор, по што физички го нападнаа. Демонстрантите го тепале се додека не пристигнала полицијата.
Од полицијата соопштија дека нема информации за повредени меѓу демонстрантите кои во тие моменти на автопатот биле во бројка од околу 5 илјади.
