Европската комисија пред 8 години во стрип го предвидела вирусот: Дошол од Кина, воведен бил карантин, а еве како го победиле

Како што пишува "Summit News", стрипот "Заразени" е продукција на Меѓународната група за соработка и развој на Европската комисија. Не бил наменет за пошироката публика, туку се делел внатре во институциите на ЕУ. Отпечатени биле неколку стотини примероци. 

Графичкиот роман прикажува научници во лабораторија во Кина, кои експериментираат со смртоносен патоген. Наеднаш од иднината се појавува "јунак", кој ги предупредува властите на пандемијата која доаѓа и претставува противотров од вселената. Тогаш злобните опортунитисти го крадат лекот од јунакот и го продаваат на фармацевтска компанија.

Нацртаната приказна од 2012-та година содржи и пренос на нов вирус од животни на луѓе на преполн пазар како оној во Вухан.

"Навистина, размислете дали сте се заразиле со новиот агенс на овој пазар" вели главниот советник на ОН за заразни болести, додавајќи: "Веројатно тоа не би го ни сфатиле до крајот на инкубациониот период".

Публикацијата сугерира дека авионските летови го забрзале ширењето на заразата, а потоа се нагласува неуспехот на Светската здравствена организација да делува доволно брзо да ја спречи пандемијата. Во стрипот е отсликано заседание на Парламентот на ЕУ, во кое Брисел се заложува за интегрирана европска соработка во врска со глобални здравствени прашања и претставува агенда за "Единствено здравство".

Исто така, во текот на пандемијата биле предвидени драконски мерки за безбедност, вклучувајќи социјално дистанцирање, кое секојдневниот живот го прави сосема неподнослив. На крајот, по сопствената фикција на еврократите, нивниот глобализам ја спасува планетата.

Последните цртежи на стрипот покажуваат заседание на Парламентот на ЕУ и прослава на победата над вирусот.

Во реалноста, шефот на ЕУ за наука во 2020-та година поднел оставка поради нестручниот одговор на вирусот на европските институции.