Нов смртен случај од коронавирус во земјава, на вирусот позитивна и починатата пациентка од Струга

Макфакс

01/04/2020

14:33

4.368

Големина на фонт

а а а

Министерството за здравство информира дека ноќеска на Клиниката за инфективни болести во Скопје починала една пациентка од Лабуништа на возраст од 65 години.

Пациентката покрај коронавирус имала и претходни заболувања: хронично опструктивна белодробна болест, дијабетес, срцева слабост и обезност.

Во однос на пациентката која во неделата наутро почина во болница во Струга, а на која постхумно и е земен брис, истиот е позитивен на Ковид-19. Со овие две новопотврдени жртви бројката на починати од Ковид-19 во земјава се искачи на 11.

Во изминатите 24 часа регистрирани се 25 нови случаи на коронавирус. По градови: Скопје – 7, Куманово – 7, Прилеп – 2, Тетово – 5, Струга – 2, Гевгелија – 1, Кочани – 1.


Со ова вкупната бројка на дијагностицирани пациенти со коронавирус до денеска изнесува 354 лица.

Според местото на живеење, досега случаи се регистрирани во следниве градови: Скопје (183), Куманово (54), Дебар (47), Штип (15), Прилеп (12), Тетово (13), Струга (9), Велес (6), Битола (4), Охрид (3), Кавадарци (2), Гостивар (1), Гевгелија (2), Струмица (1), Крива Паланка (1) и Кочани (1).

Досега во земјава направени се вкупно 3.775 тестирања на Ковид-19.



Спонзорирани линкови

Маркетинг