Имал 127 килограми, а за 8 месеци се “преполовил”: Не можел да станува од кревет, а денес работи како модел

Обидувајќи се преку храната да се избори со чувствата, дошол до бројка од 127 килограми и повеќе не можел да се поместува од кревет. 

Таквата состојба траела долго, сè до 2014 година кога решил дека мора да преземе нешто. Иако бил морбидно дебел и во сериозни години, Динеш не се откажувал од својата цел.

Веќе за 8 месеци, со редовно вежбање и правилна исхрана, Индиецот буквално ја преполовил својата тежина. Денес, на 61-на година тој изгледа подобро од некогаш, а благодарение на новата одлична форма станал модел и актер.

“Во 2004 година заминав во доброволна пензија за да се фокусирам на животот, но паднав во депресија. Се обидов да се избавам со преселбата кај мојата сестра и нејзиниот сопруг, но тоа дополнително ми ја влоши состојбата. Гледав како сите околу мене уживаат во својот живот, а јас на 44 години немав ништо. На тој начин развив нарушување во исхраната”, вели Мохан.

Секој ден вежбал без исклучок – 40 минути кардио и 20 минути вежби со тежина. Покрај тоа, дневно правел и по 50 склекови, а исто така станал и вегетаријанец.

Како што се топеле килограмите, така луѓето започнувале да обрнуваат внимание на него. Дотогаш, со својата телесна тежина, Динеш вели дека бил “невидлив”.

“Првиот проект го добив во 2016 година и оттогаш сè е во најдобар ред”, заклучува тој.