Фудбалерот кој во моментов е во центарот на вниманието на фудбалскиот свет, Ерлинг Браут Халанд во детството во Норвешка се обидел да изгради и рап кариера.
На „јутјуб“ има видео снимка од песна на Халанд заедно со уште негови двајца другари. По енормната популарност на фудбалерот, и оваа снимка си доби своја популарност, па за кратко време собра над два милиони прегледи.
Во тој период Халанд настапувал за нисколигашот од Норвешка, Брин, и не ни можел да сонува дека за кратко време наместо рап кариера ќе започне врвна фудбалска кариера во која ќе руши рекорди со своите голови…