Министерката за труд и социјална политика Рашела Мизрахи оствари средба со амбасадорот на Франција Кристијан Тимоние на којашто стана збор и се даде целосна поддршка во борбата против поделбите и сегрегација во општеството по основ на религија, етничка припадност и други основи.
Амбасадорот на Франција се интересираше за функционирањето на администрацијата за време на техничката влада, како и за ефикасноста на Пржинскиот договор на влада за организирање фер и демократски избори и за потребата за негово унапредување.
„Министерката Мизрахи го информираше за сите предизвици со кои се соочува таа како министер, но и како жена во период на функционирање на техничка влада, но и во услови на големи поделби во општеството“, информираат од Министерството за труд и социјална политика.
Заеднички на средбата била потврдена важноста и заложбите за унапредување на родовата еднаквост и потребата од идна соработка во превземање на афирмативни мерки за зајакнување на местото и улогата на жените во општеството.
