Тренерот на Болоња, Синиша Михајловиќ се најде на удар на дел од италијанската јавност бидејќи во едно интервју го поддржал лидерот на десничарската Лига Север, Матео Салвини.
Михајловиќ ја поддржал партијата на Салвини која се обидува да ја освои власта во регионот Емилија-Ромања на која припаѓа и градот Болоња.
“Го има мојот глас и се надевам дека ќе победи. Се сретнавме пред неколку дена. Се познаваме долго време, пријатели сме уште од Милано и ми се допаѓа неговата одлучност, сила и борба. Матео е човек кој го остварува она што го ветува”, изјавил Михајловиќ за италијанските медиуми.
По ваквата изјава, на српскиот тренер кој од јули минатата година се бори со леукемија, му биле упатени грозоморни навреди.
Nazionalista serbo, nostalgico del regime di Milosevic, sostenitore e amico del criminale Željko Ražnatović (incriminato per genocidio e pulizia etnica).
— la manina (@La_manina__) January 22, 2020
Adesso #Mihajlovic sostiene Salvini.
Beh, ci sarebbe da stupirsi del contrario, semmai!
Некои го опишале Михајловиќ како “националист кој бил приврзан за Слободан Милошевиќ и Жељко Ражнатовиќ”, а имало и коментари во кои се истакнало дека “заслужува канцер”.
Solidarietà a Sinisa. Come si possono definire queste persone? Non riesco a trovare una parola adeguata #Mihajlovic #sinisamihajlovic #IoStoConSinisa pic.twitter.com/nzZ8qv9K0p
— Guido (@GuidoBortolato) January 22, 2020
Салвини меѓу првите му пружи поддршка на Синиша Михајловиќ кога се дозна дека боледува од леукемија, а кога српскиот тренер 40 дена подоцна одлучи да излезе од болница и да го води својот тим, токму Матео Салвини му го упати најголемиот комплимент:
“Луѓето од фудбалот чекаат на тебе. Напред Синиша, напред борецу!”, напишал Салвини.
