Светската здравствена организација (СЗО) утре ќе одржи вонреден состанок, со цел да се процени дали треба да прогласи меѓународна вонредна состојба поради појавата на новиот вирус во Кина.
Состанокот е свикан, откако експертите потврдија дека корона вирусот може да се пренесе од човек на човек, а заразен е медицински персонал, јави кинеската државна новинска агенција Синхуа.
Болеста има симптоми што наликуваат на воспаление на белите дробови, вклучително и зголемена температура и проблеми со дишењето.
Во Кина досега починаа четири лица од овој вирус.
