Околу 10 илјади демонстранти предводени од шведската активистка Грета Тунберг се собраа денес во швајцарскиот град Лозана.
Демонстрантите ги повикаа светските влади да се разбудат и порача дека тргнуваат за Клостер, место во близина на градот Давос каде во текот на идната седмица се одржува Светскиот економси форум.
Во говорот кој го одржа 17-годишната климатска активистка која го основаше движењето #FridaysForFuture, ги критикуваше светските влади поради тоа што не преземаат ништо или не преземаат доволно мерки за намалување на емисијата на штетни гасови во атмосферата.
CRAZY: 15‘000 Climate Strikers in #Lausanne, Switzerland together with @GretaThunberg! 🌍This is more than 10% of the local population. We demand all Swiss banks to #EndFossilFinance immediately!🛢💰 @350Europe #RogerWakeUpNow #DisCreditSuisse pic.twitter.com/UHE2lUA9Dl
— Klimastreik Schweiz 🔥 #ClimateJusticeNow (@klimastreik) January 17, 2020
Тунберг рекла дека со влегувањето во новата декада се уште не се случиле вистинските потези кои би направиле промена: „На лидерите и на оние кои се на позиција на моќ сакам да им каам дека сѐ уште немаат видено ништо. Тоа мора да се промени“.
Тоа е порака која ќе ја испрати и следната седмица на Светскиот економски форум во Давос.
Демонстрантите денес носеа транспаренти на кои пишуваше „Доцна е, но сѐ уште не е предоцна“, „Разбудете се и помирисајте ги пожарите“ и слично.
Илјадници демонстранти најавија дека во текот на викендот ќе тргнат со возови кон Клостерс, а потоа и во Давос.
