“Samsung” на 11-ти февруари веќе го најави својот настан наречен “Unpacked” на кој ќе бидат претставени нови премиум модели на паметни телефони од серијата S.
Новите телефони најверојатно ќе ја носат ознаката S20 (наместо претходно најавуваните S11), со која корејскиот технолошки гигант сака да го одбележи влегувањето во шестата деценија од постоењето и работата во 2020 година.
Real-world photos confirm Samsung’s next flagship phone is called the Galaxy S20 https://t.co/JHk5GXOyP1 pic.twitter.com/5OVuP0eZzJ
— The Verge (@verge) January 12, 2020
На помалку од еден месец до претставувањето, на интернет се појавија првите фотографии од новите уреди.
“Samsung Galaxy S20+ 5G” е фотографиран од задната страна, а на фотографијата може да се забележи изгледот на истата на која се сместени задните камери на уредот. Врз основа на тоа може да се заклучи дека уредот ќе биде опремен со систем од 4 камери и ЛЕД блиц, додека шестата позиција ја зазема дополнителниот сензор или микрофон.
Samsung Galaxy S20+ leak appears to confirm its name and cameras https://t.co/yOl9HkzbMP pic.twitter.com/D1tFtzV0kw
— Engadget (@engadget) January 12, 2020
Од предната страна се воочливи заоблените рабови на екранот, по изгледот доста слични на оние на моделите од Galaxy S10 серијата.
Непотврдените гласини наведуваат дека главната камера ќе биде опремена со нов чип од 108МP и “9-to-1 Bayer” сензор кој ќе прави фотографии од 12MP со “големи пиксели”, за што ќе придонесат ултрашироката и телефото леќата.