Големи се шансите Карло Анчелоти да добие отказ од Наполи по вечерашниот натпревар против Генк во рамките од Лигата на шампионите.
„Скај Италија“ пренесе дека Анчелоти ќе биде наследен од легендарниот поранешен фудбалер на Милан, Џенаро Гатузо. Популарниот Рино ќе го води тимот од Неапол, а Анчелоти нема да има време да очајува за отказот затоа што веднаш би можел да се врати во Англија.
Имено, како што пренесува „Скај Спортс“ од таборот на Евертон одблиску ја следат ситуацијата на Анчелоти во Наполи и доколку тој добие отказ, веднаш ќе стапат во преговори со неговиот агент за тој да се врати на Островот.