Првата дама на САД, Меланија Трамп, ја опоменала професорката која во текот на сослушувањето во процесот на отповик на Доналд Трамп направила шега на сметка на името на нејзиниот син Барон.
Професорката од Универзитеот Станфорд, Памела Карлан, во текот на сослушувањето ја истакнала разликата меѓу монархијата и демократските влади, кога го спомнала синот на Трамп правејќи шега за разликата меѓу претседателите и кралевите, пренесува "CNN".
"Претседател може да го нарече својот син Барон, но не може да го прогласи за Барон", рекла Карлан.
На тоа реагирала Меланија Трамп, која на професорката и порачала дека би требало да се засрами од таквата изјава.
"Малолетно дете заслужува приватност и треба да биде надвор од политиката. Памела Карлан, треба да се засрамите од вашиот бес и очигледното пристрасно јавно обраќање и користење на дете", напишала Меланија Трамп на Твитер.
A minor child deserves privacy and should be kept out of politics. Pamela Karlan, you should be ashamed of your very angry and obviously biased public pandering, and using a child to do it.
— Melania Trump 45 Archived (@FLOTUS45) December 4, 2019
Малку подоцна, Карлан се извинила и рекла дека погрешила.
"Би сакала претседателот да се извини за работите кои ги правел и кои се погрешно, но жалам што го кажав тоа", рекла Карлан.