Новиот тренер на Тотенхем, Жозе Мурињо даде одговор на едно интересно новинарско прашање, дали е можно еден тренер да се задржи многу долго во само еден клуб.
Класичен пример за такво нешто се легендарните Алекс Фергусон и Арсен Венгер кои долго време беа ривали и долго време ги водеа Манчестер Јунајтед и Арсенал.
– 20 години во еден клуб? Мислам дека тоа не е возможно. Модерниот живот, новите технологии, социјалните мрежи, се тоа има влијание. Многу работи се менуваат, не само во фудбалот, туку генерално и затоа мислам дека Венгер беше „последниот Мохиканец“. Тоа е лоша работа за нас, но мора да се прилагодиме и да докажуваме дека сме вистински луѓе за работата, - изјави Мурињо.
