Навивачите на Арсенал слават на социјалните мрежи затоа што досегашниот предводник, Унаи Емери конечно доби отказ.
Раководството експресно го назначи Фреди Љунберг како привремен тренер, а како што пренесува новинарот на „Скај Спортс“, Каве Солекол „топчиите“ веќе имаат свој фаворит за наследник на Емери.
– Дознавме дека некои членови на раководството го посакувале Жозе Мурињо пред тој да ја добие работата во Тотенхем. Еден извор ни посочи дека во моментов има контакт помеѓу Арсенал и Макс Алегри и наводно тој е подготвен да седне на клупата, - истакна Солекол.
Макс Алегри засега е прв фаворит за наследник на Емери, а под негово водство Арсенал сигурно ќе изгледа многу поинаку.
