Тотенхем славеше против Олимпијакос со 4:2 во 5-то коло од Лигата на шампионите, а по натпреварот Жозе Мурињо го пофали детето кое е задолжено за собирање на топките.
Тотенхем губеше со 2:0, а можеби клучната улога во пресвртот ја имаше детето кое собира топки. Имено, тоа практично му асистираше на Орие покрај аут линијата, кој пак веднаш го изведе аутот, па падна гол.
„Сакам интелигентни деца кои се задолжени за собирање на топките, и јас го работев тоа. Бев брилијантен во тоа, а ова момче исто така е одлично. Ја чита добро играта, ја разбира и затоа направи асистенција. Се обидов да го повикам да прослави со нас во соблекувалната, но побегна некаде“, изјави Мурињо.
Mourinho congratulates Tottenham ball boy after brilliant quick-thinking to assist goal#Mourinho #ballboy pic.twitter.com/Pm4QYfykHR
— Turbo Timo (@turbotimo96) November 26, 2019