Денеска од 18:00 часот на стадионот „Сан Паоло“ ќе се сретнат екипите на Наполи и Милан во дерби на двете „ранети“ екипи оваа сезона.
И Наполи и Милан во новата сезона влегоа со многу поголеми амбиции, но по турбулентниот старт не се наоѓаат на посакуваните позиции.
Наполи е далеку од првата позиција на табелата, додека Милан е далеку од Топ 4, па може да се каже дека оваа дерби пресметка дојде во најлош период за нив.
Она што е интересно за нас е тоа што медиумите во Италија најавуваат дека Елиф Елмас ќе биде стартер на овој натпревар и ќе биде дел од четворката во средниот ред која ќе ја сочинуваати Зјелински, Фабијан Руиз и Алан.
Се очекува за прв пат оваа сезона Елмас да игра на крилната позиција каде што игра редовно за репрезентацијата на Македонија.