Неверојатна снимка доаѓа од Бразил, каде завчера пропадна патот во малиот град Флорес да Куна, откако поминал камион и се отворила огромна дупка.
Снимките од безбедносната камера од најблиската куќа покажуваат дека еден автомобил ја заобиколува дупката, додека другиот пропаѓа во неа.
34-годишната Ванеса Каваноли, која управувала со автомобилот, го скршила носот, а нејзината 12-годишна ќерка Андрес Карнезел поминала без повреди.
„Возевме и во еден момент едноставно пропаднавме. Ја отворивме вратата и се обидовме да излеземе од автомобилот", изјавила Ванеса за бразилскиот портал „Г1“.
Еден случаен минувач ѝ помогнал на жената и на нејзината ќерка да излезат од дупката, а потоа биле пренесени во болница.