Ќерката на поранешниот боливиски претседател Ево Моралес, Евализ Моралес Алварадо, одбила да ја напушти Боливија и да оди во Мексико, соопштила вршителката на должноста министер за надворешни работи Карен Лонгарич.
Додала дека Евализ одбила политички азил во Мексико.
"Тоа е во целост нејзина одлука. Таа има свои причини кои јас не можам да ги коментирам", рекла Лонгарич.
Привремените боливиски власти претходно и одобриле на ќерката на Моралес, која моментално се наоѓа во амбасадата во Мексико, да ја напушти земјата и да и гарантира безбедност.
Ево Моралес се наоѓа во Мексико каде добил политички азил, откако поднел оставка поради повеќенеделните протести организирани по претседателските избори на 20-ти октомври.