Путин: Повеќе не произведуваме "канти", време е да ги намалиме расходите за одбрана на Русија

Точка

11/11/2019

18:07

4.602

Големина на фонт

а а а

Намалувањето на расходите за одбрана и безбедност е поврзано со надминување на "врвот на модернизацијата на војската", изјавил рускиот претседател Владимир Путин.

"Во тек е општо намалување на расходите за одбрана и безбедност. Тоа не е поради тоа што ние ноншалантно се однесуваме кон тие прашања, туку бидејќи сега е главно планирањето и интензивирањето на работата на замена на воената опрема и техника. Ние веќе ги направивме главните работи", рекол Путин. 

Тој нагласил дека воените претпријатија и колективи треба да продолжат да работат како досега, а не да произведуваат "канти", како што било во 90-тите години, пренесува "Sputnik".

"Тие треба да произведуваат високотехнолошки производи и техника. Затоа треба да им се овозможи да го произведуваат тоа што можат и ритмички да ја финансираат таа работа", додал претседателот.

Освен тоа, Путин наложил да се подготви јасен план за вклучување на воени претпријатија во реализација на национални проекти.

Во октомври претседателот соопштил дека Русија се наоѓа на седмо место по расходите за војска, иако веќе направила оружје какво нема никој на светот. Тој сепак тогаш нагласил дека нема намера да влегува во трка за вооружување, и дека ќе продолжи да го развива потенцијалот во таа сфера.



Спонзорирани линкови

Маркетинг