Властите во Калифорнија наредија евакуација на неколку стотици луѓе од населбата Гејзервил, северно од Сан Франциско, поради големите шумски пожар во округот Сонома. Американските медиуми објавија дека 200.000 луѓе останале без електрична енергија.
Одделот за шумарство и заштита од пожари во Калифорнија соопшти дека пожарот, кој се шири поради силните ветрови, до сега има зафатено површина од околу 10.000 акри.
Шерифот на округот Сонома нареди задолжителна евакуација за Гејзервил во која живеат околу 900 луѓе.
Fire danger continues to be high. 10,000 acres and growing in #sonomacounty Evacuations in place for many areas. @sonomasheriff is a good source for information. Video: @kentphotos #news #california #wildfire #firefighters pic.twitter.com/VXmvLWG5He
— Southern Marin Fire District (@SMFDinfo) October 24, 2019
Метеорологот Марк Шенард изјави дека ветерот ќе достигне најголема брзина во текот на вечерта и ќе продолжи утре. Тој предупреди дека Северна Калифорнија ќе ја погодат ветрови со брзина до 72 километри кои нема да ослабнат и за време на викендот.