Турција ќе продолжи со офанзивата на североистокот на Сирија уште поинтензивно од претходно ако договорот со САД за петдневно примирје не биде целосно испочитуван, изјавил денес турскиот претседател Речеп Тајип Ердоган.
Претходно истакнал дека на североистокот на Сирија не се во тек никакви судири. На почетокот на денот, "Reuters" јавил дека се слушнале експлозии на гранати на сирско-турската граница и покрај тоа што бил договорен прекин на огнот во траење од пет дена, за безбедносната зона, која е планирана, да се исчисти од курдските сили.
Ердоган рекол дека "безбедносната зона ќе се простира на 440 километри по границата меѓу Сирија и Турција и дека со Вашингтон е договорено таа да влегува во сириска територија во должина од 32 километри.
Just spoke to President @RTErdogan of Turkey. He told me there was minor sniper and mortar fire that was quickly eliminated. He very much wants the ceasefire, or pause, to work. Likewise, the Kurds want it, and the ultimate solution, to happen. Too bad there wasn’t.....
— Donald J. Trump (@realDonaldTrump) October 18, 2019
Сириските демократски сили предводени од Курдите ја обвиниле Турција дека бомбардира области населени со цивили, кршејќи го петдневното договорено примирје.
Според извештаите на британските агенции, во градот Сејланпајнар одекнувале експлозии на гранати и се слушало пукање од автоматско оружје.
Во разговор на турскиот претседател Реџеп Тајип Ердоган со американскиот потпретседател Мајк Пенс во Анкара бил постигнат договор за примирје.
Турција на 9-ти октомври, два дена по одлуката на претседателот на САД, Доналд Трамп, за повлекување на американските трупи, започнала операција наречена "извор на мир" на северот на Сирија, која почнала со воздушни напади на курдските сили.
