Бојан Јовановски познат како Боки 13 останува во притвор, одлучи Апелациониот суд. Судиите ја отфрлија жалбата на адвокатот Сашо Дуковски со која бараше на Боки 13 да му биде одредена алтернативна мерка за обезбедување присуство.
Судот смета дека сè уште постои можност Боки 13 да избега и да биде недостапен за органите на прогонот, како и да го повтори делото што му се става на товар во случајот „Рекет“.
Боки 13 бараше да биде пуштен од притвор поради неговата здравствена состојба и неможноста да се третира во затворот. Адвокатот Дуковски, пак, ги убедуваше судиите дека одлуката за продолжување на притворот што ја долнел Кривичниот суд не е издржана со аргументи.
