Скопјанец сними интересно видео на кое може да се види како припадници на Министерството за внатрешни работи приведуваат еден човек.
На снимката се гледа како три автомобили на сообраќајната полиција го имаат попречено патот на еден автомобил, по што возачот на автомобилот во следните неколку минути практично се бори со полицијата за да не биде уапсен.
„Колку полицајци се потребни да приведат еден човек?“, се прашува авторот на снимката која е објавена на социјалната мрежа Фејсбук. Од тоа што може да се види на видеото, дури три екипи на сообраќајци едвај успеаа да го смират возачот, а во меѓувреме пристигна и четврто полициско возило.
Видеото е снимено во понеделникот, а интересно е што само два дена подоцна центарот на Скопје беше целосно блокиран - Независниот полициски синдикат протестираше и побара покачување на платите за 25% за сите вработени во полицијата.
