Иако до пред само неколку месеци се чинеше дека деновите на Гонзало Игуаин во Јувентус се завршени, сепак веројатно нема да е така.
Имено, како што пишува „Калчомеркато“ од таборот на Јувентус подготвуваат нов договор за аргентинскиот напаѓач кој постигна еден гол во првите три кола за клубот од Торино во Серија А оваа година.
Договорот ќе биде со траење од две години и се верува дека според него Игуаин ќе заработува нешто помала плата од сегашната.
Доаѓањето на Маурисио Сари на клупата на Јувентус значеше и останување на Игуаин во клубот, а токму поради тоа од „Алијанц стадионот“ ќе си замине Марио Манџукиќ кој уживаше голема доверба кај претходникот на Сари, Макс Алегри.
