Селекторот на Летонија, Славиша Стојановиќ спортски го призна поразот од македонската репрезентација во Рига.
Нашите фудбалери славеа со 2-0 со што дојдоа до осмиот бод во овие квалификации што секако е важно во пресрет на самата завршница на овој циклус.
- Честитки до Македонија за победата. Почнавме многу лошо, ни се потврдуваат грешките . Не сум задоволен, иако позитивно е тоа што некои млади играчи покажаа добри работи во играта. Македонија има многу добри играчи, Пандев, Адеми, Алиоски, Елмас. Очекував ваква Македонија, дојдоа до резултат и заслужено не победија, - истакна Стојановиќ.
Во октомврскиот прозорец македонската репрезентација ја оечкуваат дуели со Словенија и Полска.
