Претседателот на Претставничкиот дом на Нов Зеланд, Тревор Малард, за време на парламентарната расправа го хранел бебето на еден од претставниците во тоа законодавно тело.
Милард на Твитер објавил фотографија од себе како го храни детето на пратеникот Тамати Кофеј додека ја води седницата. Лабуристичкиот пратеник Тамати Кофеј го објавил раѓањето на својот син во јули. Детето е родено преку сурогат мајка, а биолошки татко на детето е партнерот на Кофеј, Тим Смит.
Кофеј во средата прв пат присуствувал на седница по враќањето од породилно отсуство, а со себе го земал и својот син.
Претседателот на тоа законодавно тело, Тревор Малард, воедно и татко на три деца, ја преземал улогата на дадилка, но истовремено ја водел и седницата.
Фотографијата на Твитер ја споделил и пратеникот на Зелените, Герет Хјуз, кој напишал дека е прекрасно да се има бебе во Пратеничкиот дом.
Lovely to have a baby in the House, and what a beautiful one @tamaticoffey pic.twitter.com/EP6iP9eQES
— Gareth Hughes (@GarethHughesNZ) August 21, 2019
Кофеј е последен во низата политичари кои го донеле своето бебе на работното место, откако тоа, меѓу другите, го направиле и британската пратеничка Џо Свинсон, како и австралиската сенаторка Лариса Вотерс.
Во септември минатата година, премиерката на Нов Зеланд, Џасинда Ардерн, станала првата политичарка во историјата која го донела своето бебе на заседавањето на Генералното собрание на Обединетите Нации.
