Врховниот суд на САД соопшти дека претседателот Доналд Трамп може да користи средства од Пентагон во висина од 2,5 милијарди долари за изградба на дел од ѕидот на јужната граница со Мексико.
Судот пресуди со пет гласа наспроти четири со што ја блокира пресудата на федералниот судија во Калифорнија, кој го спречи Трамп да ги троши парите за ѕидот.
Wow! Big VICTORY on the Wall. The United States Supreme Court overturns lower court injunction, allows Southern Border Wall to proceed. Big WIN for Border Security and the Rule of Law!
— Donald J. Trump (@realDonaldTrump) July 26, 2019
Ѕидот меѓу САД и Мексико беше главно ветување во предизборната кампања на Трамп за изборите во 2016 година.
На проектот, вреден шест милијарди долари, жестоко му се спротивставија демократите и мексиканската влада.
Ваквата одлука на највисокиот суд, Трамп ја нарече голема победа за граничната безбедност и владеење на правото.
