Во последните две недели во јужна Азија од силните монсунски дождови загинале 650 лица.
Во Индија, Бангладеш и Непал неколку десетици илјади луѓе се раселени поради силните бури, а повеќе од 10 милиони се загрозени.
Во Индија, со 1,3 милијарди жители, од монсуните настрадале 460 лица. Во некои зони на север и северозапад од земјата нема струја поради поплавите.
Во соседен Непал загинале 90 лица, а 29 исчезнале. Во Бангладеш се регистрирани 97 мртви, а во Пакистан 30.
Сезоната на монсуните трае од јуни до септември, важна е за наводнување и снабдување на вода во Азија, каде што живее една петтина од светското население.