Американскиот претседател открил како би течел планот за американскиот воен напад на Иран.
И покрај тоа што бил подготвен како "репетирана пушка" за напад на Иран, претседателот Доналд Трамп вели дека на крајот одлучил дека ударите не се пропорционални на штетата од падот на беспилотното летало на САД.
Трамп преку твит објаснил дека по соборувањето на американскиот дрон над Иран, планирал на нареди напад на три цели во Исламската република, но му кажале дека притоа би загинале 150 луѓе.
....On Monday they shot down an unmanned drone flying in International Waters. We were cocked & loaded to retaliate last night on 3 different sights when I asked, how many will die. 150 people, sir, was the answer from a General. 10 minutes before the strike I stopped it, not....
— Donald J. Trump (@realDonaldTrump) June 21, 2019
Обвинувајќи го Иран за соборување на американското надзорно летало над меѓународни води, Трамп во петокот објавил дека се откажал од нападот 10 минути пред да почне ударот.
"10 минути пред ударот решив истиот да го спречам, бидејќи не е сразмерен со падот на беспилотното летало. Не брзам, нашата војска е обновена, нова и подготвена да тргне, далеку најдобра на светот", рекол Трамп во серијата од твитови.
"Санкциите имаат влијание и вчера ги зголемивме", додал тој.