Пол Погба конечно се огласи во јавноста за својата иднина и со само еден коментар најави заминување од Манчестер Јунајтед ова лето.
Се повеќе се шпекулира дека Французинот ќе биде дел од новиот „Галактико“ проект на Реал Мадрид, а дека тоа е така меѓу редови потврди и Погба кој истакна дека дошло време за нов предизвик, што би можело да значи дека отфрла можност и за враќање во Јувентус.
– Поминав три години во Манчестер и досега таму ми беше супер. Имав некои добри моменти, но и лоши моменти, како секој фудбалер. По оваа сезона и се што се случи во неа, и која беше моја најдобра во кариерата сметам дека е добро време да пробам нов предизвик на друго место. Размислувам за тоа, да прифатам нов предизвик на друго место, -истакна Пол Погба за француските новинари во Токио.
