Португалија синоќа ја совлада Холандија со 1:0 и ја освои Лигата на нациите, со што Кристијано Роналдо освои уште една титула во неговата богата кариера.
После натпреварот, Кристијано Роналдо проговори и за Златната топка и порача дека никогаш во неговата кариера немал лоша сезона, па така било и во текот на оваа сезона.
„Освоив три титули оваа сезона и бев добар како и секогаш. Во својата кариера никогаш сум немал лоша сезона, а ниту оваа сезона не беше поинаку“, изјави Кристијано Роналдо и додаде:
„Моите бројки во овие 16 години говорат се. Не знам дали ја заслужувам Златната топка, тоа им го оставам на оние кои ги даваат гласовите“, изјави Кристијано Роналдо.
