Репрезентацијата на Португалија се закити со трофејот во премиерното издание на Лигата на нациите откако со минимални 1:0 славеше против Холандија во финалниот натпревар.
Победоносниот погодок го постигна Гонзало Гуедеш, меѓутоа признанието за најдобар играч на турнирот замина во рацете на Бернардо Силва.
Капитенот на репрезентацијата на Португалија, Кристијано Роналдо одигра одлични два натпревари, но тоа не беше доволно да се закити со тоа признание. Камерите го уловија фудбалерот на Јувентус во моментот кога Бернардо беше избран за најдобар играч на турнирот, а на снимката се гледа како Роналдо воопшто не му честита на својот репрезентативен колега.