По прогласувањето на епидемија на морбили на територија на целата држава, постапувајќи по наредбата на Министерството за здравство, денеска во основните училишта во општина Карпош почна теренската вакцинација на невакцинираните ученици.
Вакциналните тимови ја зпочнаа вакцинацијата од ООУ „Јан Амос Коменски“ во Тафталиџе 1 каде што има 49 невакцинирани деца, како и во ООУ „Петар Поп Арсов“ во Карпош 4, каде што според евиденцијата не беа вакцинирани 38 ученици. Вакцинирањето со МРП-вакцина ќе продолжи утре во ООУ „Владо Тасевски“ во Козле. Теренската вакцинација низ 10-те основни училишта во Карпош ќе трае во наредните две недели.
