Серхио Перез го опиша својот нов газда, Лоренс Строл, како најмотивираниот човек во гаражата и е изненаден од тоа колку енергија има во канадскиот бизнисмен да го поведе тимот кон успех.
Лоренс ја превзема Форс Индија по летната пауза лани и заедно со група на инвеститори внесоа милиони во екипата, донесоа нов персонал и планираат целосно нова фабрика затоа што сегашната во Силверстон е премала за она што се планира.
Од тоа што го видел, Чеко смета дека проектот Рејсинг Поинт не е само играчка за пребогатиот Строл, како што некои тимови беа во минатото, но сериозна инвестиција која сака да ја претвори во сериозно вложување.
„ТОЈ Е ГОЛЕМ ЕНТУЗИЈАСТ, ВЕРОЈАТНО Е НАЈМОТИВИРАНИОТ ЧОВЕК ВО НАШАТА ГАРАЖА ВО МОМЕНТОВ. ВЕЛИ ДЕКА ОВА БИЛО ПРОЕКТ КОЈ ГО МОТИВИРАЛ НАЈМНОГУ ВО ЖИВОТОТ, СТАНУВА ВО ШЕСТ НАУТРО И САКА ШТО ПОБРЗО ДА ЗНАЕ СЕ ШТО СЕ СЛУЧИЛО.
ГИ ПРИТИСКА СИТЕ ВО ЕКИПАТА МНОГУ СИЛНО, НО ВО ИСТО ВРЕМЕ МУ ДАВА НА ОТМАР ШАФНАУЕР И ОСТАНАТИТЕ ШЕФОВИ ДА СИ ЈА ВРШАТ СВОЈАТА РАБОТА. СИТЕ СМЕ СВЕСНИ ДЕКА МНОГУ СКОРО ТРЕБА ДА ПОЧНЕМЕ ДА НОСИМЕ РЕЗУЛТАТИ.
ЛОРЕНС ГО САКА ТРКАЊЕТО. ИЗНЕНАДЕН СУМ ОД НЕГОВАТА ЕНЕРГИЈА И ЖЕЛБАТА ДА ГО ВИДИ ТИМОТ УСПЕШЕН“, ОТКРИ ПЕРЕЗ.
Во тимот вози и синот на Лоренс, Ленс Строл, кој е вториот дел од тандемот возачи на екипата. Во врска со евентуалниот непотизам, Чеко појасни дек Ленс никогаш не бил во привилегирана позиија во однос на него.
„ЈАС СЕ ЧУВСТВУВАМ КАКО ДЕЛ ОД ОВОЈ ТИМ И ОВА СЕМЕЈСТВО. СИТЕ СМЕ НА ИСТ БРОД КОЈ САКАМЕ ДА ГО ПРИДВИЖИМЕ КОН НАПРЕД.
НЕ СМЕ ОНАМУ КАДЕ ШТО САКАМЕ ВО МОМЕНТОВ, НО ЌЕ НАПРЕДУВАМЕ И ВО МОМЕНТОВ НЕ ГЛЕДАМ ФАВОРИЗИРАЊЕ НА ВОЗАЧ ВО ЕКИПАТА ДА БИДАМ ИСКРЕН. СЕ Е ТРАНСПАРЕНТНО КАКО И ПОРАНО И СИТЕ СМЕ ВОЗБУДЕНИ ОД ОВОЈ ПРОЕКТ“, ЗАВРШИ ЧЕКО.
