Пожарот во Нотр Дам не стивнува, се урна главната кула

Француските медиуми пренесоа изјави на пожарникари кои изразиле сомнеж дека пожарот кој избувна попладнево е потенцијално поврзан со реконструкцијата на катедралата што е во тек.

Катедралата Нотр Дам се реновира, а реконструкцијата вреди 6 милиони евра, некои нејзини делови биле покриени со скелиња, додека бронзените статуи биле отстранети минатата недела.

Телевизијата „Франс 2“ извести дека полицијата случајот го води како инцидент.

„Во катедралата Нотр Дам во Париз во тек е застрашувачки пожар“, наведе на „Твитер“ градоначалничката на Париз, Ан Хидалго.

Францускиот претседател, Емануел Макрон, објави дека го одложува обраќањето на нацијата поради страшниот пожар во Нотр Дам.