Тој потенцира дека претседателот на државата нема ниту време ниту законска можност да аболира пред истекот на неговиот мандат на 12 мај.

„Јасно е како бел ден, членот 11 од Законот за помилувањето не постои, тој е укинат и не може да се дејствува по него. А постапките што се водат преку Министерството за правда не може да се водат за време на избори. Тие се забранети постапки, може да влијаат на изборите, на бројот на гласови и самите гласачи, тие може да се водат откога ќе завршат изборите“, рече Заев.

За судбината на СЈО, Заев вели дека предметите се живи и дека ќе се распределат по судии и обвинители, а преговорите со опозицијата за Законот за Јавното обвинителство ќе продолжат.

Заев: Јас сум човек од Муртино, не негуваме вредности како култ на личност

Јас сум човек од село Муртино, не негувам вредности на култна личност, изјави ппремиерот Заев на прашањето дали е добро што партиски членови и функционери го споредуваат со Јосип Броз Тито.

„Со директорот на Агенцијата за млади и спорт имаме одлична соработка, тој е и претседател на младината во СДСМ, но ние не негуваме такви вредности ниту во партијата ниту во Владата. Ние сме мало општество, мултиетничко, треба да градиме пријателство и еднаквост, зборуваме за еднакви вредности“, рече Заев.

Директорот на Агенцијата за млади и спорт, Дарко Каевски, пак, негира дека тој го споредил Заев со Тито.