Министерот за одбрана на Венецуела, Владимир Падрино Лопез, тврди дека советникот за национална безбедност на американскиот претседател, Џон Болтон, му праќа пораки, во кои бара од него да "ја направи вистинската работа".
"Господине Болтон, ќе ви кажам дека ја правиме вистинската работа. Да се прави вистинската работа е да се прави тоа што го пишува во уставот...Да се прави вистинската работа е да се почитува волјата на народот", рекол Падрино обраќајќи се на телевизија.
"Reuters", меѓутоа, нагласува дека засега не е јасно дали Падрино мислел на неодамна објавените пораки на Болтон преку "Twiter", во кои директно го споменал Падрино.
General @vladimirpadrino: Venezuela should be the wealthiest nation in the region. Maduro’s greed and corruption has led to pauperism. FANB’s role in Venezuela’s transition to democracy and prosperity is vital. Stand by the Venezuelan people and Constitution, not Maduro and Cuba.
— John Bolton (@AmbJohnBolton) March 29, 2019
Во Венецуела на 21-ви јануари почнале протести против актуелниот претседател на Венецуела, Николас Мадуро. Претседателот на Парламентот на Венецуела, Хуан Гуаидо, на 23-ти јануари се прогласил за привремен шеф на државата.