Зинедин Зидан вчеравечер беше официјално претставен на „Сантијаго Бернабеу“ како нов тренер на Реал Мадрид, а тоа секако стана топ тема во светската спортска јавност која веќе неколку дена наназад се занимаваше со имиња кои би можеле да го наследат Сантијаго Солари.
На крајот, конечниот избор на Флорентино Перез беше Зинедин Зидан, човекот кој му го донесе на Реал еден од најголемите успеси во историјата на клубот со трите последователни титули во Лигата на шампионите. Сите фанови на се уште актуелниот европски шампион со голем ентузијазам и оптимизам ја дочекаа оваа вест, а истото важи и за Икер Касиљас кој со уникатен и најоригинален коментар го опиша враќањето на Зизу.
– Целиот мој живот мислев дека ВРАЌАЊЕ ВО ИДНИНАТА 2 е најдобриот втор дел од една приказна во светот, но не, сум мислел погрешно!! Најдобриот втор дел е враќањето на Зидан во Реал Мадрид!! Со среќа!!, – гласи пораката на Икер.
Pensaba toda la vida que REGRESO AL FUTURO II era la mejor segunda parte de una película del mundo mundial pero no, me equivoqué!! La mejor segunda parte es el regreso de Zidane al Real Madrid, otra vez!! Suerte 🍀!! pic.twitter.com/7FJHPO4xcz
— Iker Casillas (@IkerCasillas) March 11, 2019
