Останува уште еден месец до претставувањето на јубилејната 10-та генерација од Galaxy S серијата на јужнокорејски Самсунг.
Galaxy S10 е еден од најисчекуваните телефони на годината, а Самсунг неодамна потврди дека овој телефон ќе биде претставен во февруари на Mobile World Congress во Барселона.
Еден од најпознатите инсајдери кој ретко знае да погреши посебно кога станува збор за Андроид паметните телефони, Иван Блес објави на својот профил на социјалната мрежа Твитер фотографии од трите верзии на Galaxy S10, почнувајќи со Galaxy S10 Lite (лево), Galaxy S10 (средина) и Galaxy S10+ (десно).
Samsung Galaxy S10E, S10, and S10+ (L to R), encased pic.twitter.com/Pk2gpXkXxn
— Evan Blass (@evleaks) January 19, 2019
На фотографиите не може да се види ништо освен трите камери на задната страна за кои што веќе подолго време кружат гласини, новите копчиња за Bixby и 3,5 милиметарскиот влез за аудио на дното од телефоните.
Кога станува збор за димензиите на екраните на трите модели на десетата генерација на Galaxy S, најверојатно најмалиот ќе има екран со дијагонала од 5,8 инчи, средниот од 6,1 инчи, а најголемиот модел би требало да има екран со дијагонала од 6,4 инчи.