Двајца музичари вчера биле нападнати од страна на двајца гости во угостителски објект во скопски Аеродром.
Според информациите од МВР, инцидентот се случил синоќа. Н.Б.(36) од Скопје пријавил дека истиот ден околу 00.50 часот во угостителски објект на булевар „Јане Сандански“, тој и И.П.(34) од Скопје, кои биле ангажирани како музичари, биле физички нападнати од К.М.(35) од Скопје и М.Б.(23) од село Брвеница, тетовско, кои биле гости во објектот.
На Н.Б. му била укажана лекарска помош во комплексот клиники „Мајка Тереза“, а И.П. се здобил со телесни повреди. Напаѓачите се приведени во полициска станица и против нив ќе биде поднесена соодветна пријава.
