Телохранител на украинскиот претседател Петро Порошенко после еден конфликт со случаен минувач доби „фатален“ удар по што како покосен падна на тлото.
Во украинскиот главен град Киев, во ноќта помеѓу 2-ри и 3-ти јануари дошло до тепачка помеѓу 26—годишниот припадник на обезбедувањето на украинскиот претседател Петро Порошенко – Василиј Хмељук и случаен минувач кој што шетал со своите две кучиња.
После кратката расправија, телохранителот доби удар во главата по што како покосен се сруши на тлото, а украинските медиуми пренесоа дека подоцна во болница го загубил животот.
Како што пренесуваат украинските медиуми, осомничен за убиството е познатиот украински боксер Петро Очеретјани на кого сега му се заканува затворска казна од 15 години. Снимката од убиството на членот на обезбедувањето на украинскиот претседател беше објавена на интернет.