Саудискиот новинар Џамал Кашоги, кој беше убиен на втори октомври во конзулатот на Саудиска Арабија во Истанбул, е прогласен за личност на годината на американското списание "Time", а таа почесна титула ја дели со група други новинари.
Личности на годината на њујоршкиот неделник се четворица новинари и американскиот локален весник "Capital Gazette", а за сите нив "Time" навел дека "претставниците ја шират борбата на безброј други ширум светот", пренесува "AP".
The Guardians—Jamal Khashoggi, the Capital Gazette, Maria Ressa, Wa Lone and Kyaw Soe Oo—are TIME's Person of the Year 2018 #TIMEPOY https://t.co/HvoEaW5oUi pic.twitter.com/9Mr0wBTmvj
— TIME (@TIME) December 11, 2018
За личности на годината, покрај Кашоги, се прогласени и филипинската новинарка Марија Реса, двајца новинари на "Reuters" од Мјанмар кои моментално се наоѓаат во затвор - Ва Лоне и Кјав Сое О како и редакцијата на американскиот локален весник "Capital Gazette" чии пет членови настрадале во нападот во Анаполис, Мериленд на 28-ми јуни.
Главниот уредник на "Time", Едвард Фелсентал денеска ги соопшти имињата на личностите на годината во емисијата "Today" на телевизијата "NBC".
Time Person of the year is a multi-person tie:
— Artemis Moshtaghian (@ArtemisChats) December 11, 2018
“As we looked at the choices, it became clear that the manipulation and abuse of truth is really the common thread in so many of this year’s major stories.” @TIME Editor-in-Chief @efelsenthal says pic.twitter.com/SyYcnuHDpY
За потсетување, Кашоги беше убиен на втори октомври во саудискиот конзулат во Истанбул, а според турското обвинителство, тој бил задавен, а потоа и распарчен.
"Не можам да дишам" биле последните зборови на Џамал, објавил "CNN" кој се повикува на извор близок до истрагата. Убиството на Кашоги предизвика шок и гнев ширум светот, но светските сили не преземаа конкретни акции против Саудиска Арабија, најголемиот светски извозник на нафта.
