Договорот го поддржала и германската канцеларка Ангела Меркел, додека Америка била против.
Договорот на Обединетите нации кој обезбедува гаранции за сигурно, уредно и хумано движење на луѓето ширум светот, денес го усвоиле повеќе од 160 земји во мароканскиот град Маракеш.
"AP" пренесува дека на собирот, кој го отворил генералниот секретар на ОН, Антонио Гутереш, високи претставници на владите на 164 земји, меѓу кои и германската канцеларка Ангела Меркел, дале поддршка на Глобалниот договор за миграција, и покрај негодувањето на САД и уште некои држави.
Standing ovation for #Merkel at #ForMigration conference #Marrakech. ‘I stand before you as chancellor of a country that created much suffering after WWII. Then the UN was founded. We Germans feel engaged by #GlobalCompactOnMigration.’ Follow thread here as conference evolves👇 pic.twitter.com/gkAOFocVmt
— Pieter Stockmans (@VRIJHEIDenGELUK) December 10, 2018
Заговарачите на овој договор наведуваат дека миграцијата може да им помогне на националните економии и подмладување на работните сили во држави со постара работна сила и дека со уредната миграција ќе бидат спасени животи.
Оние кои се противат на договорот, тврдат дека тој ќе го доведе во прашање националниот суверенитет и стравуваат од уплив на мигранти, наведува агенцијата.
Станува збор за документ на 34 страни кој носи 23 цели со кои треба да се обезбеди "безбедна, уредна и регуларна" миграција, вклучувајќи заштита на мигрантите од искористување и кршење на човековите права.
Пописот вклучува цели кои се однесуваат на собирање на податоци, пружање информации за мигрантите, борба против шверцувањето и трговија со луѓе, вложување во развојот на вештини, обезбедување на пристап до основни услуги и промовирање на социјална вклученост и кохезија.
Се става акцент и на важноста на намалувањето на негативните фактори поради кои луѓето се принудени да ги напуштат своите земји, како и на управување со националните граници на "интегриран, безбеден и координиран начин".