Српските медиуми во текот на изминативе денови на големо се занимаваат со сензационалната победа на Црвена Звезда против тимот на Ливерпул во Лигата на шампионите. Оваа победа за ,,црвено-белите’’, e дефинитивно една од најслатките за клубот од Белград во Европа по незаборавната ноќ во Бари од 1991 година.
Српскиот првак покажа неверојатна храброст и пожртвуваност и успеа да го урне европскиот вицешампион на преполната „Маракана“, а вистински херој беше напаѓачот Милан Павков, кој беше стрелец на двата постигнати гола во победата од 2:0.
,,Делии” не престанаа со навивање и по завршување на мечот, но, отидоа и дотаму, што успеаа да лоцираат каде живее Павков, за среде ноќ да му навиваат под прозор.
