Италијанскиот тренер Антонио Конте во последниов период се почесто се поврзува со Реал Мадрид.
Шпанските медиуми пренесуваат дека тренерот на „Кралскиот клуб“, Хулен Лопетеги наскоро ќе добие отказ, а на негово место ќе пристигне поранешниот тренер на Челси, Антонио Конте.
Сепак, братот на Антонио, Даниеле, порача дека засега немало никаков контакт помеѓу Антонио и Реал Мадрид.
„Антонио во овој момент е на одмор. Тој нема добиено ниту еден повик од Реал Мадрид. Можеме дефинитивно да кажеме дека Реал Мадрид е голем клуб, но досега немало никаков контакт“, изјави Даниеле.
