Еден од директорите на Реал Мадрид, Емилио Бутрагењо проговори околу иднината на тренерот Хулен Лопетеги.
Реал Мадрид синоќа победи со 2:1 против Викторија Плзен, меѓутоа навивачите на „Кралскиот клуб“ ги исвиркаа фудбалерите, а секако, на најголем удар засега е тренерот Хулен Лопетеги.
По натпреварот, новинарите го запрашаа Бутрагењо дали Лопетеги ќе добие отказ, односно дали ќе биде тренер на екипата и на предстојниот „Ел Класико“ дуел против Барселона.
„Лопетеги ќе биде на клупата на „Ел Класико“, тоа е информација од врвот на клубот. Натпреварот против Барселона е огромна мотивација. Имавме многу шанси, а на крајот победивме со 2:1. Сепак, клучно беше тоа што победивме, а во иднина потребна ни е и поддршката на навивачите“, изјави Бутрагењо.