На патниот правец А3 Делчево – Македонска Каменица, сообраќајот е во прекин кај местото Баткова чешма, информираат од Авто-мото сојузот на Македонија (АМСМ).
Оттаму додаваат дека прекинот е поради случена сообраќајна незгода.
АМСМ препорачува внимателно возење, прилагодена брзина на движење и почитување на поставената сообраќајна сигнализација.
Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.
