Срамни и неприфатливи се заканите и повиците полни со омраза кои доаѓаат од новинарот Цветин Чилиманов, кој отворено наведува да биде нападната негова колешка, велат од Владата.
„И во оваа пригода потсетуваме на ставот на Владата на Република Македонија: Нула толеранција за какви било закани, уцени врз новинарите и медиумските работници и за каков било обид за загрозување на слободата на говорот и изразувањето. Апелираме медиумите, новинарските асоцијации и другите институции во државата, а особено обвинителството и судовите, да постапуваат максимално брзо и професионално во случај на каков било обид за напад или закана против медиумските работници“, се вели во соопштението.
