Почна седницата на Уставниот суд на која точка на дневен ред е иницијативата за оценување на уставноста и законитоста на собраниската одлука за распишување на референдумот.
Една иницијатива поднесе Светскиот македонски конгрес, додека другата е на партијата Левица.
Како што објави „Макфакс“, судијата известител за предметот – Елена Гошева, во подготвениот реферерат, им предлага на колегите да поведат постапка, како и да изречат времена мерка – стопирање на сите активности за референдумот закажан на 30. септември.
Во оваа насока се и очекувањата на Левица од каде наведуваат дека одлуката за референдум е неуставна, спротивна за Законот за референдум, а ги спорат и конструкцијата и карактерот на прашањето.
Конечната одлука ја носат деветмина судии со мнозинство гласови, зад затворени врати.
